جلنار العراق مشرفة القسم الفني
| موضوع: سوالف الولد بالمنتديات الأربعاء سبتمبر 30, 2009 4:10 am | |
| بنات جبتلكم اليوم موضوع رهيب طبعا للمزاح مو اكثر حته لحد يزعل علينا عالعموم الموضوع ويبين سوالف الولد بالمنتديات اسمعو:
طبعا هي هوايه طرق لا تعد ولا تحصى وكل واحد وطريقته واسلوبه في التعبير
اكو نوع وهذا تقريبا هو اللي مشتهر هالايام الحب عن طريق التواقيع والملفات الشخصيه شلون يعني توقيعه رومانسي جدا ( ولد وبنيه + خاطره اني ابحث عنكي ومالي سواكي وانتي حبي الاول)ـ او توقيع واحد ضارب نفسه موس ودمه يجري وكاتب حرف من اسم الحاتة + اني انتحرت لاجلكِ ياسيدتي فأرحمي بحالي ( اي قابل تكدي منها ترحم بحالك)ـ
اما النوع الثاني عن طريق البروفايل( الملف الشخصي)ـ نشوف الولد كاتب الاقامه في قلب حبيبتي ( ادري قلب لو مشتمل) لو يجيك واحد لاخ كاتب اني اسكن في الحب (بشرفك شكد تتدفع ايجار)ـ ويجي لاخ كاتب الاقامه في مدرسه الحب ( ادري ماعندك غير مكان .. شنو قابل مهجر تكعد بمدرسه)ـ
واكو انواع من الولد تكتب الاقامه ( السويد , امريكا , فرنسا , سوريا اللي مقبطه)ـ طبعا مو كلهم صحيح تلاكيه هسه كاعد بجزيرة السندباد لو بصفوان وهو كاتب جوهانس بيرك لو جينف واكو نوع يكتب الاقامه ( بطريقه تحشيشيه) يم بيت فلان لو ثالث فرع على اليمين هذا النوع بصراحه مااعرف شكول عليه ( لم تتوفر المعلومات) و قسم كاتبين بالغربه ( زين وين صايره هايه الغربه بعيده ؟!)ـ لو تشوف واحد كاتب يم حبيببي مااكول اسمها ( مراح ناكلها دروح !)ـ واكو نوع يكتب ( بصف النجوم والقمر ) شنو دوقفليد لو يوفووووووووو
والنوع الاخير وهو الولد الي يكتب الاقامه بفولدر ( C:\S\system32) هذا اخذوها مني نصيحه كلشي ميفتهم على الاساس هو هكر ومخترق جيس نايلون وبالك عنه ( دروح بابا لتنكلب )
**مو تنسوووووون الردود** | |
|
عاشق الاحزان المدير العام
| موضوع: رد: سوالف الولد بالمنتديات الأربعاء سبتمبر 30, 2009 7:12 pm | |
| هههههههههههههههههههههههه ههههههههههههههههههههههه هاي الولد هيج بسيييييييييييييييييييييييييييييييييطه اذا مااطلع سوالف البنات كللللللللللله هههههههههههههههههههه | |
|
جلنار العراق مشرفة القسم الفني
| موضوع: رد: سوالف الولد بالمنتديات الأربعاء سبتمبر 30, 2009 8:15 pm | |
| هههههههههههههههههههه والله احنا البنات فقيرات ماعدنا سوالف تعبانة ههههههههههههههههههه مشكور عالمشاركة | |
|
chana عضو نشيط
| موضوع: رد: سوالف الولد بالمنتديات الإثنين أكتوبر 19, 2009 6:13 am | |
| ههههههههههه يسلمووووووو رائعة جدا جلنار *تحيااتيي... | |
|
جلنار العراق مشرفة القسم الفني
| موضوع: رد: سوالف الولد بالمنتديات الإثنين أكتوبر 19, 2009 3:22 pm | |
| | |
|