موكــــــــــادر

موكــــــــــادر

موكادر افرق بين صبحية فجر
ضحكت بعيني وبين ضحكتهه
ولا كادر افرق بين وردة جوري
خجلهه الندى وما بين وجنتهه
ولا كادر اكول الياسمين امنين ؟؟
وهي اهنا شجرة ياسمين اتفوح ريحتهه
ولا كادر اشوف الفرق بين القمر
الطالع علينا وبين طلتهه
ولا كادر افرق بين شمة رازقي
ايفوح بعبيره وبين شمتهه
العراقية حسنها غير
عن كل الصور تختلف صورتهه
جمال الله في حواء
في وجه العراق الزاهي بيهه وبمحبتهه
من الله خلقها بحسنه سبحانه
زادلها ملح بيده وخلاهه مليحة



للشاعر : زهير الدجيلي

شكرا الك على النقل الرائع
لاتحرمنا من جديد مواضيعك المميزه