صبراً يا عراق ...

[[color:e35b="DeepSkyBlue"]size=29]صبراً يا عراق جروحك تهون
ومثل ما جنت واحله النوب راجع
يضل راسك شمس مالاحته اعدال
ورغم كل ليل نورك يبقه ساطع
قصيدة انته البدر شاكر السياب
ويموت الشعر لو تصبح مقاطع
لان جنت العلي بالضربه محراب
علي من ضربته الهليوم راكع
المزارع بيك تعطش لاكن تعيش
الشباب بدم سكت هاي المزارع
يمرجع دين بس الخاطر الدين
حميت الدين وانطيت المراجع
مواجع بيها الناس تسمي الضيوف
ونته اضيوف سميت المواجع
المدافع غيرك يردها بصواريخ
ونته ورود ردك عالمدافع
ومن كد ما بصدرك حفرت الناس
طبكنا هن سوه كبور المدامع
المدامع بس دمع ماصبن اعليك
وانته اطفال بجيت المدامع
وطن تختلف عن كل الحظارات
وشرع يختلف عن كل الشرايع
مصر عدهم حظارة كبر ابو الهول
وانه ادري هرم مابيه منافع
تعال بهلوطن مليون ابو الهول
وتريد اتشوفهم؟شيل الشوارع
اظن من صبر زينب صبرك البيك
وجنت وياها ساعات الموادع
بس هيه الفرق ماجاها عباس
وانته الخاطرك عباس راجع
تظل يا طن غنوه بحلك الزغار
ولحن جرحك عليه تطرب مسامع
توظالك ماذن وكت الاذان
وتصليلك جوامع بالجوامع
وحته تضل وطن للسبعه عريس
نسمي ايامهن السابع
ونوديلك رساله بلايه عنوان
وعليها اكلوبهن طوابع
ونكلك صبرك ودمنه العلامات
اليتيه صاحبه يتسمى ضايع
[/size]